ZOEZI LA KUANDIKISHA VITAMBULISHO VYA TAIFA LINA KASORO LUKUKI

Mkurugenzi wa NIDA, Dickson Mwaimu.

KWANZA tumshukuru Mungu kwa kutuweka hai leo na kubwa zaidi kwa kutuwezesha kukutana katika safu hii kwa mara nyingine tena, hakika Mungu anastahili kuabudiwa.
Baada ya kusema hayo leo nitazungumzia zoezi la uandikishaji wa vitambulisho vya taifa.
Kusema kweli zipo dalili lukuki hivi sasa zinazoonyesha kwamba zoezi hilo la kuandikisha wananchi ili wapewe vitambulisho vya uraia, halitafanikiwa, labda itokee miujiza.
Kwa kusema kweli zoezi limeanza vibaya, na inaonesha waandaaji, Mamlaka ya Vitambulisho (Nida) hawakujiandaa vya kutosha na pia hawakuwaandaa raia kuitikia wito wa kujitokeza kujiandikisha.
Babu zetu walisema ‘Siku njema huonekana asubuhi,’ lakini kwa Nida, sivyo maana shughuli yao ‘asubuhi’ yaani siku za kwanza za zoezi hilo mambo ni shaghalabaghala na wamesababisha wananchi kushindwa kujiandikisha na badala yake kusumbuka.
Nikiwa raia ninayeipenda nchi hii nafikiri nina wajibu wa kuonyesha upungufu na kufichua uozo unaoweza kukwamisha zoezi hilo muhimu lenye manufaa kwa taifa na ustawi wa watu wake.
Yapo matatizo makubwa yanayokwamisha zoezi hilo na tatizo kubwa lipo serikali kuu, haionyeshi dalili zozote za kufahamu nini kinaendelea katika mchakato mzima wa mpango huo.
Zoezi hilo nyeti linaonekana kuachwa katika mikono na mamlaka za chini za serikali za mitaa ambazo kwa kweli hazina uwezo wala nyenzo za kulifanikisha.
Kutokana na hilo wananchi wamekuwa wakiteseka na kupoteza muda mwingi kwenye foleni na wengine kushindwa kujiandikisha licha ya kutumia muda mwingi wakiwa kwenye foleni.
Katika baadhi ya sehemu taratibu zenye mkanganyiko zinatawala wakati wa kujiandikisha.
Kama hiyo haitoshi, Mamlaka ya Vitambulisho (Nida) imeonyesha udhaifu mkubwa kwa kushindwa kufahamu kuwa, ilipaswa kwanza kuendesha programu kubwa ya uhamasishaji kwa kutoa elimu ya kutosha kwa wananchi kupitia vyombo vya habari.
Lakini pia waandikishaji wote walipaswa kupewa mafunzo stahiki ili kuepusha makosa na ubabaishaji ambao wananchi wanaushuhudia sehemu mbalimbali za nchi.
Uwezo wa waandikishaji wengi umeonekana kuwa chini ya kiwango na imegundulika kwamba wengi wao hawana elimu ya kutosha, matokeo yake ni kukosea majina ya wananchi wanaokwenda kujiandikisha.
Kutokana na hilo ni wazi kwamba siku ya kutolewa vitambulisho hivyo ikifika vinaweza kuwa na majina yaliyokosewa, hivyo kusababisha usumbufu mkubwa na lawama kwa serikali.
Lakini pia kuna taarifa kuwa katika baadhi ya sehemu kuna idadi kubwa ya wananchi ambao wamegundulika kutojua kusoma wala kuandika na kufanya zoezi hilo kuwa gumu.
Kutokana na usimamizi usioridhisha wa Nido, wananchi wameonekana kutokuwa na uelewa wa taarifa gani wanazotakiwa kuwa nazo katika ujazaji wa fomu, kwani baadhi ya waandikishaji wamekuwa wakiwataka walete rundo la vitambulisho.
Mchanganyiko huo wa masharti ya utambulisho uko wazi kwani katika sehemu nyingine wametakiwa kuonyesha kitambulisho kimoja tu.
Wananchi pia wamekuwa wakilalamikia kasi ndogo ya uandikishaji ambayo imesababisha misururu mirefu katika vituo vya uandikishaji kiasi cha watu kushindwa kujiandikisha.
Mbaya zaidi hakuna utaratibu wowote wa kuwahudumia watu wenye ulemavu, wajawazito au wenye watoto wadogo na wazee au vikongwe. Nimeshuhudia mateso makubwa kwa watu hao kutokana na idadi ndogo ya waandikishaji katika vituo vya kujiandikisha.
Nido imewaruhusu wajumbe wa mashina ya chama tawala kuwajazia fomu za utambulisho wananchi wanaoishi katika maeneo yao ili waweze kuorodheshwa na serikali za mitaa na hatimaye kupewa vitambulisho vya uraia.
Utaratibu huo tayari umelalamikiwa na raia wa vyama vingine vya siasa kwani wanadai kuwa wajumbe hao wametumia nafasi hiyo kuwahamasisha wanachama wa chama chao kujiandikisha kwa wingi ili washinde katika chaguzi zijazo.
Ni vigumu kuelewa kwa nini serikali kuu na Nido hazikuona umuhimu wa kuhakikisha kwamba vifaa kama karatasi, kalamu, huduma za kupiga picha na kurudufu zinapatikana bila malipo kama ilivyokuwa wakati wa kujiandikisha kupiga kura katika Uchaguzi Mkuu wa 2010.
Matokeo yake kuna baadhi ya wananchi wanaofika kujiandikisha wanalalamika kwamba sehemu fulani hapa nchini wanadaiwa rushwa kwa kisingizio cha serikali kutoweka vifaa hivyo na huduma nyingine.
Kutokana na mlolongo wa changamoto hizo nasema kuwa zoezi hilo limekwenda ndivyosivyo na naamini siyo wananchi wote wataweza kulipa fedha hizo, hawa wakulima na watoto wao na wengine wanaweza kuacha kwenda kujiandikisha.
Ipo haja basi Nida kuongeza muda na elimu kwa waandikishaji ili kusudio la serikali kuandikisha raia wote ili wapatiwe vitambulisho vya taifa linafanikiwa, vinginevyo tutakuwa tunapoteza muda na fedha bure.
Namuomba Waziri Mkuu, Mheshimiwa Mizengo Pinda na timu yake kuyaangalia haya na kuyasafanyia kazi.

MAANDALIZI YA WIZARA KUSHIRIKI KATIKA MAONYESHO YA NANENANE DODOMA YAMEKAMILIKA

Wizara ya Maliasili na Utalii itashiriki katika maeonyesho ya Nanenane ambayo yatafanyika kitaifa katika viwanja vya Nzuguni jijini Dodoma tangu tarehe 1 Agosti 2012. Kama kawaida Wizara imeandaa banda moja kubwa ambalo italitumia pamoja na Mashirika, Wakala, Taasisi zake na wadau wa Wanyamapori, Misitu, Nyuki Malikale na Utalii.

Maandalizi ya banda la Wizara ya Maasili na Utalii ambalo lina sehemu kuu tano yamekamilika. Sehemu hizo tano ni:

(i) banda kuu ambapo maelezo yatatolewa na machapisho kugawiwa kwa wageni,

(ii) Bustani ya miti;

(iii) Shamba la Nyuki;

(iv) Wanyamapori hai;

(v) Mashindano ya ufugaji Bora wa nyuki bora.

Katika sehemu ya Wanyamapori hai kutakuwa na aina 20 za wanyama. Leo jioni tarehe 29/7/2012 Wanyama watakaowekwa kwenye mabanda maalum yaliyoandaliwa tayari kwa maonyesho ni Simba, Chui, Tumbili, Kobe, Kanu, Fisi madoa, Fisi Mraba, Sokwe Mtu na Chatu. Wanyama wengine na ndege watawasili leo usiku tayari kuwekwa kwenye mabanda yao kesho.

Aidha katika banda la Maliasili kutakuwa na maonyesho ya asali kitaifa ambayo yameandaliwa na Wakala wa Huduma za Misitu (TFS) kwa njia ya ushindani. Katika mashindano hayo wafugaji wa nyuki walitembelewa na wataalam katika sehemu wanakofugia na kushindanishwa kwa kuzingatia ufanisi katika ufugaji na utunzaji bora wa mazao ya nyuki hususan asali. Washindi watapewa zawadi na Mgeni Rasmi siku ya kilele cha maonyesho haya ya Nanenane tarehe 8/8/2012.

Kauli mbiu ya Nanenane mwaka huu ni: “Kilimo Kwanza: Zalisha kisayansi na kitekenolojia kukidhi mahitaji ya ongezeko la mahitaji ya watu”.

Kutokana na kauli mbiu hiyo Wizara itawelimisha wananchi kuhusu uhusiano wa shughuli za Maliasili na Utalii na “Kilimo Kwanza”. Kwa mfano wananchi wataombwa kuhifadhi misitu na kupanda miti kwa kuwa misitu inachangia katika kuleta mvua inayofanikisha kilimo. Vilevile vyanzo vya mito inayofanikisha kilimo cha umwagiliaji ni katika misitu.

Aidha wanyamapori hufanikisha utalii ambao huchangia asilimia 26 ya pato la fedha za kigeni nchini. Fedha hizo za kigeni zinatumika katika kununulia zana za kilimo, kama vile matrekta. Pia biashara ya mazao ya Maliasili huleta maduhuli ambayo yanapelekwa Hazina na hatimaye kutumika katika kufanikisha kilimo, kama vile kununua pembejeo.

Wananchi wanaoishi katika mkoa wa Dodoma na mikoa ya jirani wanakaribishwa kutembelea banda la Maliasili katika maonyesho ya Nanenane Dodoma ili wapate utaalam wa kushiriki katika shughuli za kuhifadhi na kuendeleza Maliasili kwa manufa yao.

[MWISHO]George Matiko

MSEMAJI

WIZARA YA MALIASILI NA UTALII

Tarehe 29 Julai 2012

BARAZA LA VIJANA CHADEMA(BAVICHA) LAWATAKA VIJANA KUSHIRIKI KUTOA MAONI YA KATIBA MPYA

Wakazi wa Iringa wakiwasikilizaviongozi wa BAVICHA 

katika uwanja wa Mwembetogwa

AIRTEL SASA KUTUMA PESA BURE KUPITIA AIRTEL MONEY

Wateja wa Airtel sasa kutuma pesa Bure kupitia Airtel money

·Kupata huduma ya Airtel money sasa piga *150*60# Bure

Kampuni ya simu za mkononi ya Airtel imeendelea kuboresha huduma ya Airtel money kwa kurahisisha upatikanaji wa muongozo (menu) kwa kupiga *150*60# Bure pamoja na kuzindua promosheni kabambe itakayowawezesha wateja wa Airtel nchi nzima kutuma pesa Bure.
Akiongea wakati wa uzinduzi wa huduma hiyo Meneja Uhusiano wa Airtel Jackson Mmbando alisema” Airtel tunaendelea kutoa uhuru kwa wateja kupata huduma zetu kirahisi zaidi nchini kote, kuanzia sasa mteja akipiga *150*60# anapelekwa moja kwa moja kwenye orodha yake ya huduma na kuweza kuchagua anachohitaji kufanya ikiwa ni pamoja na kuongeza salio, kufanya malipo, kutoa pesa na mengine mengi
tumefanya hivi hii ili kumwezesha mteja mwenye simu yeyote kupata huduma za kibenki na kuondoa changamoto zozote zitakazojitokeza, sasa mteja ana uhuru wa kuchagua kutumia njia ya awali ambayo ni kwenda moja kwa moja kwenye muongozo wa simu yake na kupata orodha (Menu) ya Airtel au kupiga namba *150*60# na kuunganishwa moja kwa moja
vilevile tunayofuraha kuzindua ofa kabambe kwa wateja wetu nchini zima ambapo kutuma au kupokea pesa chini ya kiwango cha 100,000 ni BURE na mteja atakaponunua LUKU kupitia Airtel money ni BURE (hakuna viwango vya miamala vitakavyotozwa). Tunawajulisha wateja wetu wote na wakala wetu waliosambaa nchi zima kutumia huduma hii iliyorahisi ni rahisi aliongeza” Mmbando.
Airtel ni mtandao ulioenea nchini na unatoa huduma za kifedha za Airtel money yenye mawakala zaidi ya 10,000 waliosambaa maeneo mbalimbali mjini na vijijini kwa dhamira ya kupunguza changamoto ya upatikanaji wa huduma za kifedha na kusaidia wateja wetu kuokoa muda kwenda mbali kupata huduma za kibenki.
Kupitia Airtel money mteja anaweza kupata huduma mbalimbali ikiwemo: kupokea pesa, kulipa bill kama DSTV, LUKU na DAWASCO, USA visa , kununua salio na huduma nyingine nyingi

Mahojiano na Tawi la CCM Washington

Makampuni ya mawasiliano yametakwa kuunganisha huduma kwenye mkonge wa taifa

Serikali imeyataka makampuni ya mawasiliano kuunganisha huduma
zao kwenye mkonge wa taifa ili kuboresha huduma za mawasiliano.

Kundi la watu wanaodhaniwa majambazi wamevamia baa ya Chonya

Kundi la watu wanaodhaniwa majambazi wamevamia baa ya Chonya eneo la
River Side jijini DSM, leo asubuhi na kupora fedha.

Birthday ya Spika wa Bunge Anne Makinda

 Spika wa Bunge Anne Makinda akikata keki tayari katika 

Birthday yake jana mjini Dodoma.

Bi Lina Kitosi akimlisha Mhe. Spika keki kwa niaba ya wafanyakazi wa Bunge wakati wa 
Birthday yake ya 63 iliyofanyika jana mjini Dodoma.

Ni Birthday ya 63 ya Mhe. Spika Anne Makinda na hii 

ilikuwa keki ya Birthday.

 Spika Anne Makinda akipokea keki kutoka kwa mmoja 

wa wafanyakazi wa Bunge.

Walichosema wabunge katika Tamasha la Kigoma

 Walichosema wabunge katika Tamasha la Kigoma All Stars-Leka Dutigite, Lake Tanganyika Stadium, Kigoma

Video ya kwanza : Mhe. Joshua Nassari -Mbunge wa Arumeru Mashariki

Video: Zitto